Ja, du las rett. Eg har sydd ein slankekjole! Det er ikkje ein kjole som du vert slank av å bruke eller ein kjole du ser slankare ut i, men det er rett og slett ein kjole sydd av 2009-stoffer for å slanke tekstillageret på syrommet.
Litlo poserer og kalen prøver å snike seg med 🙂
No har eg nesten ikkje meir igjen av denne elgfleecen som eg har sydd kjole til meg sjølv av, kjole til litlo og genser til kalen av tidligare.
Kan hende eg kan lage ei fleecehue eller nytte det til ermar på ein kjole eller genser, men så er det tomt. Eg har fleire slankeprosjekter i tankane – prosjekt som skal bidra til å slanke stoffhaugane som begynner å tyte ut av hyller og plastposar.
Lilla skråband nederst på kjolen.
Men trass i at det er plenty stoff å ta av på syrommet, kjem eg støtt og stadig heim med litt nytt. Seinast tidligare i vekakom eg heim med ein yderst liten bit med julestoff.
Her får du ein snikkikk på det eg held på med…
Julestrømpe in spe.
litlo & kalen 