Litlo har ønska seg poncho lenge, og eg har lovd ho at eg skulle strikke ein – ein dag det vart tid. Det vart det i romjula, og i løpet av tre korte kveldar var ponchoen ferdig. Juhuu for store pinnar!
Litlo og eg drog på garnbutikken etter å ha kikka gjennom dette heftet til Sandnes garn og konkludert med at modell nummer 7, strikka i easy, var eit supert utgangspunkt.
Litlo plukka ut lilla garn, men det eine av dei åtte nøstene er i grått slik at me kunne strikke inn nokre striper og hjarter i ponchoen. I tillegg har eg strikka ein del kortare hals enn det som står i oppskrifta. Me er veldig fornøyd med resultatet, og litlo gledar seg til mindre fuktige dagar på Vestlandet slik at ho kan bruke ponchoen meir.
Den ble fin!