Sjå min kjole!

Min eigen kjole!

Over to år har gått sidan eg sydde ein kjole til meg sjølv, men i dag har eg fått ferdigstilt ein eg har hatt i tankane ei vekes tid. Vart ganske så fornøyd…
Kjolen er sydd av ein topp eg fant på salg samt eit gamalt dynetrekk eg har arva. Eit dynetrekk eg er svært glad i, og som eg òg har sydd snurrekskjørt av til litlo, eit på bestilling og ein forklekjole på bestilling.
Har fortsatt litt igjen av stoffet, men det er vel såpass lite at eg neppe får nytta det til anna ermer, lommer eller andre detaljar på det eg syr. Eller ei veske til ein jentunge.

Sydd av gamalt dynetrekk.

Ser at eg har gløymt å ta bilde av kjolepynten eg viste fram på bloggen tidligare i dag i bruk, men knappebrosja er tenkt på eit svart belte eg har til kjolen eller som pynt på bryststykke.

Fortsatt god helg!

Kjolepynt

Livet er ikkje det verste ein har, om litt er kjolen klar – min eigen kjole!
Mest sannsynleg får eg blogga resultatet i ettermiddag, men i mellomtida får dåke ein snikkikk på eigenlaga knapp/brosje av eit arva dynetrekk, som kan pynte opp kjolen eg held på med.

Heimelaga knapp/brosje

Stjernedrysskjole

Tja, dryss og dryss, men to stjerner har iallefall fått plass på den nye ullfiltkjolen til litlo.

Enkel A-kjole i ullfilt

Sydde for ei tid sida, men bilde er nettopp tatt så først no har eg fått blogga den. Kjolen har litlo brukt titt og ofte både på skulen og når ho vil pynte seg litt på kalde dagar. Syns det er utruleg stas å sy klede til 7-åringen som ho likar å gå med, og som i tillegg held seg godt vask etter vask!

Lett og lun litlokjole

Om tida strekk til kan det fort verte fleire ullfiltkjolar, men det er vel ikkje så lenge før eg må begynne å tenke på vårklede til dei små… Det er jo tross alt snart februar.

Fortsatt god tysdag!

I <3 U vottar

I <3 U vottar til litlo.

Eg har strikka mine første votter, og det gjekk jo over all forventning. Hadde belaga meg på styr med tommelen og at når den eine var ferdig ville det ta tid før eg knota meg til å legge opp nummer to, men dette paret var strikka på to små kveldar. Ein vott kvar dag

Matchende hals og vottar

Og med meir multigarn til overs vart det en ny vridd hals til litlo, men denne gongen har eg tatt ein Strikk og tøys-vri på mønsteret – altså berre strikka eit kast, to sammen og ein rett rundt og rundt og rundt til eg hadde nok garn igjen til å felle av.

No gjenstår det berre ei hua å strikke før I <3 U settet frå Pickles er ferdig, men først ventar fine filmfestivaldagar i vakre Tromsø!

Oppskrift på kjøkkenklut

Klutane er strikka i Mandarin petit.

Mange av de som stikk innom bloggen min nyttar søkjeorda oppskrift og kjøkkenklut. Eg har strikka ein del klutar – er faktisk kome ut av tellinga, men det har blitt nærmare 150 strykker sidan eg debuterte på klutfronten i april 2010.

Eg nyttar kun heimestrikka til vask, og det er perfekte gåver til venner, familie, barnehagepersonale eller andre andre som du vil glede i kvardagen. Enkle å strikke er dei òg!

Eg har tatt utgangspunktet i kjøkkenkluten som Ronille har lagt ut oppskrift på på sin blogg. Tusen takk for at du delar!

Fargerike kjøkkenklutar

Eg nyttar garnet Madarin petit (100 prosent bomull og kan vaskast på 60 grader) og legg opp 38 masker med dobbel tråd på pinne nummer 5.

Strikk ein omgong rett for deretter å strikke neste omgong 1 rett, 1 vrang ut pinnen.
Gjenta desse 2 omgongane til ønska klutlengde. Mine er ca. 20 x 27 centimeter, og eg strikkar stort sett tre klutar på to nøster.

Ein gul og ein grøn kjøkkenklut i 100 prosent bomull. Vask 60 grader.

Ønsker du andre klutoppskrifter finn du blant anna to ulike på Garnstudio (Drops vaskeklut i Paris og Drops kluter med 3 ulike strukturmønster) og nokre hos Pickles.

Ønsker du å kjøpe tek eg imot bestillingar, og det er fleire som legg ut for sal på Epla, blant anna Strikk og tøys og byVeronica.

Til min hjarteknusar

Hjarter i fleng.

Sidan Pickles lanserte oppskrift og bilde på I <3 U genseren, har eg drøymt om å strikke ein til litlo. Tida strakk ikkje til før jul – då var det julegåver som var fokus. Men det første strikkaplagget som vart ferdig i det nye året er denne herlege genseren i ull og mohair – ei fantastisk kløfri garnblanding frå picklesjentene.

Strikka i mjuk og kløfri merinoull frå Pickles

Tenk å vore barn i dag og fått lov å oppleve så mjuk og kløfri ull tett på kroppen, i staden for å dra med seg minnene om gensrar som stakk og klødde…
litlo er strålande fornøyd med både form, farge og garnval, og har hatt genseren på sidan fotoseansen i ettermiddag.

Klar for vintersesongen i ny genser.

Eg endra litt på felling til hals i forhold til mønsteret. Strikka ein ekstra runde med grått etter å ha avslutta siste mønsterrunde, felte til 70 masker og strikka 2 rundar rett før eg begynte på vrangborda for så å følge oppskrifta igjen.

Tilbakeblikk på 2011

WordPress har laga ei oppsummering om litlo & kalen i året som har gått. Er du interessert i å lese om kva innlegg som vert mest lest, kven som legg igjen flest kommenta og kva søkeord som gjer at folk kjem til bloggen min? I så fall kan du klikke på linken her

Litt av det eg laga i fjor.

Blant anna seier wordpress dette om besøket:
The concert hall at the Syndey Opera House holds 2,700 people. This blog was viewed about 21,000 times in 2011. If it were a concert at Sydney Opera House, it would take about 8 sold-out performances for that many people to see it.

Halsar og huer til jul

Det har stort sett berre blitt mjuke pakkar frå denne kanten til jul i år. Vridd hals og hue har fleire av ungjentene me kjenner kunne pynta seg med i romjula.

Vridd ullhals og -hue i fargen oliven.

Mamma og ei god venninne har fått Pickles si vaffelhue, mor har fått seg eit Multnomah sjal, ei tante og svigermor har fått mjuke, varme halsar, litlebror sin kjæreste har fått eit sidelengs sjal og ei lita snuppe har fått bolero i mjukaste Pickles Extra Fine Merino. I tillegg har eg gitt vekk eit par av mine heimestrikka kjøkkenklutar.

This slideshow requires JavaScript.

Oppsummeringa vise jo at eg faktisk har vore ganske så produktiv i tida før jul, men eg har ikkje gått lei. No har eg ein herlig I <3 U genser til litlo på pinnane. Den håpar eg å bli ferdig med til skulestart på tysdag

Då gjenstår det berre å ønskje dåke eit fantastisk godt nytt år!
Og takk for det gamle. Det er utruleg inspirerande å vere ein del av blogglandia, og eg håpar på mykje kreativitet og inspirasjon òg i året som kjem!

Sydde julegåver

Dongeribukse til 1-åring

Endeleg kan eg vise fram litt av det eg har holdt på med før jul. Ein del av våre små venner fekk sydde julegåver i år – blant anna kjoler i fleece og ullfilt, huer i bomull og skjørt og bukse i dongeri. Dongerikjørtet me gav vekk har eg ikkje tatt bilde av, men eg har sydd eit likt til litlo, så det får eg vist fram seinare.

This slideshow requires JavaScript.

Dei strikka gåvene skal eg vise fram så snart eg har behandla bileta. Ha ei fortsatt fin romjul og eit godt nytt år! Måtte det blir fylt med kreativitet

Romjulsquiz

Eg slår til med ein romjulsquiz på facebooksida mi. Dersom du vil vinne ein av mine gode, heimestrikka kjøkkenklutar må du inn på fjesboka og legge att ein kommentar der

Romjulsquiz på facebook

Trekker 1. nyttårsdag. Lukke til!